Hong Kong Hospice Social Worker Society
香港寧養社會工作者學會
今天病人支持小組的主題是“欣賞”。
為什麼要“欣賞”呢？可能是因為這個世間已經有太多的批判了，如果我們連自己都要批判自己，那不是很慘嗎？如果我們相信身心互動系統，自我批判、責備往往是對自己的一種憤怒，難道不是在焚燒自己的身體麼？
在華人的社會，並不是很習慣“欣賞”或是“讚賞”，就好似可愛的小嬰兒，傳統老一輩都不給我們稱讚他們“可愛”，因為老一輩的會覺得“會贊壞”、“BB會小氣”，導致將來長得很醜。在華人的社會，“稱讚”和“欣賞”自己，就會變成“自負”、“驕傲”，反而“批判”是高高在上的。
所以，我們的小組設計，是先安排“欣賞”一位認識的人（有列有不同優點的工作紙），可以是親人、朋友、或是不認識的人也可以。然後，作一種延伸性的連結：
“你覺得自己身上，有哪些地方，是跟你所欣賞的人的優點是相似的呢？”
如此一來，分享就容易許多了，有一位院友在活動結束後說：
“原來我有這麼多的優點呢！”
在看這篇文章的您，最欣賞自己的地方又是什麼呢？
有時候，臨終病人會跟我們說，一些我們平時看不見的東西。
CH女士說：“上個星期六我返左屋企呀！”
“返左屋企啊，覺得點呀？”
“唔系好訓到教，都系系呢度舒服d”
“聽到你話訓唔到，可以話比我聽因咩訓唔到啊？”
“我見到很多撲克牌，系我面前走來去，又見到教堂，又有人煮飯，我要幫手，只手動來動去，所以訓唔到”
這個時候，你會怎麼回應CH女士？
“那是幻覺來的！你唔洗理他們！”（唔系好合適的回應）
“系真唔系呀！系咪你想太多！？”（唔系好合適的回應）
“肯定系你以前鐘意賭錢，所以見到撲克牌啦！”（唔系好合適的回應）
“我聽到你講，見到撲克牌、教堂、有人煮飯，你要幫手，所以訓唔到”（同理心回應）
“系呀”
“如果你想講，您可講多d比我聽嗎？”
當我們聽到超出理性範疇，或是我們不認識的東西時，可能第一時間就會落了判斷（judgment）,例如“假的”、“幻覺來的”，就在落判斷的一刹那，同理心就丟失了。
後來，CH女士在敘述中提及了她所關心的事情，就是“煮飯”——擔心自己死後，丈夫會不懂得煮飯（不懂得照顧自己），所以每個週末都堅持出院回家，就是在家中教導丈夫煮飯。然後我們一起討論食譜的製作——送給丈夫的最後禮物。
如果行政工作太繁忙，宇峰會下班後到病房探訪院友，因為趕急的存在狀態，病人是會感受到的， 而具備“當下”的陪伴素質，是宇峰最重視的。
護士姑娘說：“ 阿峰，你快啲去睇下BJ婆婆啦，佢已經有幾日唔肯食嘢呀”
“ 好的，我依家去睇下BJ婆婆”
BJ婆婆躺在床上，眼睛撐得很大。
“BJ~”
“ 你又嚟做乜嘢呀？”
“ 我咪又嚟搞住你囉～”
這個時候送飯的姐姐剛好來到，把飯餸放在BJ婆婆的桌子上。
“ 你想唔想食飯呀？”
BJ婆婆想自己嘗試坐起身，但因為手不夠力所以沒有辦法將自己撐起身來。
“ 幫我較高啲鋪床丫”
“ 好呀，我會慢慢教，你覺得夠高嘅時候就話畀我知啦”
宇峰把電動床背部的位置升高後， 將活動茶几推近BJ婆婆的身前。
BJ婆婆嘗試遞起右手，希望自己可以拿起筷子食飯，可是她沒有這個力氣。
“ 唉，我真係好折墮”
“嗯，阿峰聽到你講話好折墮，可以話比我聽點解咁講呀？”
“ 依家乜都要人幫”
“嗯， 你希望可以自己做到，唔使人幫系咪”
BJ婆婆點點頭。
“ 其實我好樂意的，你唔好嫌我笨手笨腳就得㗎喇～ 嗯，你想唔想食飯呀？”
“想呀”
“ 咁不如餵你食好唔好？”
“好”
宇峰就慢慢的把星洲炒伊麵，放在匙羹的前端，方便BJ婆婆吃進嘴裡去。
BJ婆婆一啖一啖的慢慢吃，最後竟然把整個星洲炒伊麵都吃掉了。
而這正是宇峰與BJ婆婆最後相處的時光，其實或多或少，宇峰已經有所感覺，這很可能是彼此最後的相處時光了。
BJ婆婆，謝謝你給我機會去服侍你，宇峰也沒有遺憾了。
永遠愛您、祝福您的阿峰
親愛的BJ婆婆您好嗎？
今天回到中心，打開電郵的時候，才知道你已經離開我們了，但宇峰心裡仍然有一些說話，很想跟你說的。
好多謝呢段日子認識到你，你總係好玩得，我都冇見過一個婆婆，可以好似你咁古靈精怪，成鬼日喺度搞笑，你串下我，我串下你嘅日子真係好開心。
有一段日子，見住你身體嘅情況轉差，見到你唔開心，宇峰心裏是很擔心你的，所以每晚放工後都落嚟攪住你，你唔好嫌我麻煩就得㗎喇，有時候講下爛gag，有時候靜靜的坐在你床邊的紅色椅子。
答應過你的，總算都做到啊！都算唔話得掛～ 記得你好想要一隻牛嘅毛公仔，你仲分享到以前係耕田生活，有一隻牛，落雨天嘅時候就失收。點知原來牛嘅毛公仔係好難搵，因為迪士尼人物入面，都冇乜公仔喺牛嚟嘅。最後就梗係用淘寶啦， 希望你會鍾意呢份牛毛公仔禮物。
牧靈嘅姑娘友同我講呀， 知道在外國生活的兒子，整晚都陪住你，陪著你離開，宇峰就很安心了，因為我好知道你掛住個仔，好想見佢最後一面，知道你最後的心願都達成了。
其實呢幾日我都有來看你的，但知道你很痛 ，見你瞓得好冧，就無叫你，想你好好休息。
牧靈嘅姑娘還說你最後幾日還整古做怪呀， 護士姑娘餵完你食藥，轉個頭你就伸條脷出嚟，原來粒藥仲喺條脷上面，真係無你符呀～
好啦，我唔講咁多喇，雖然好唔捨得您，知道您好走就得了，第日系天堂記得找我頂嘴呀，我會掛住您的。（你實會話有咩好掛住姐～）
嗯，還有多謝你請我食的奇華餅。
同您一樣古靈精怪的阿峰
29歲的癌症小妹妹已經離世了，年輕的丈夫在病房外，小妹妹的母親伏在病床邊哭著。
“阿姨，我系阿峰”
“嗚……阿峰，阿峰，嗚……你來了”
“系呀，阿姨，我系度，阿哥呢？”
“阿哥佢未知道呀”
“好唔好通知哥哥來，見最後一面？”
“ 唔好呀！唔好打俾佢呀！”
“阿姨，我聽到你講話唔好打畀阿哥， 你好似係擔心阿哥知道個消息，係唔係？”
“嗚……系呀”
“ 可以話比我聽你最擔心阿哥嘅係乜嘢？”
“ 我擔心佢會暈低、驚佢趕過來會有意外……嗚”
“ 我聽到你話擔心阿哥會暈低，驚佢講過來會有意外，我也同樣擔心的”
“系呀”
“ 我哋同樣都一樣咁愛錫阿哥， 我哋都唔想阿哥見唔到阿妹最後一面，成世人都有遺憾同內疚，系咪？”
“嗯”（點頭）
“ 不如我請阿J（小妹妹的丈夫） 打畀阿哥同佢講， 我都會喺度的，我會等到阿哥一齊來，陪他見妹妹最後一面，好唔好”
“嗚……好”
在臨終場域的臨床經驗告訴我們，如果家人 趕不及前來醫院，見逝者的最後一面，這將會帶來很多的情況，例如內疚和遺憾：“ 點解你哋唔通知我見妹妹最後嘅一面！ 我見唔到妹妹嘅最後一面了”。因為這種傷痛和遺憾 是難以逆轉的，因為再也沒有機會了。
作為一位臨終場域的社工，當我們有這種認知，我們就有一種責任，去告知家人種種的情況和可能，盡量去減低和避免日後不必要的內疚和遺憾。
“阿哥，我知道你很錫妹妹， 所以我請阿J通知你前來見面會嘅最後一面”
阿哥用力的握著宇峰的手：“多謝您呀，多謝您通知我”
宇峰拍了拍他肩膀，然後一起到小妹妹的房間，一起整理小妹妹的物品。
生命是一件很奇妙的事情，生命中往往有許多解釋不到的巧合。
有一位離世病人的女兒跟我們說：
“ 阿媽走個一日，我實在係太傷心了，我都沒有發現到…… 當我拎住阿媽張死亡證嘅時候，我睇到阿媽走嘅日子同時間，同阿媽舊曆生日嘅時辰八字係一模一樣。我就知道呀媽要揀嗰個時候走，因為喺佢在世嘅時候佢，好怕啲仔女唔記得佢嘅生日。 所以阿媽係專登揀呢個日子同時間，等啲仔女記得佢。”
“ 所以聽到你講，阿媽係知道自己要走了， 她選擇呢個日子同埋時間走，你對阿媽呢個選擇有咩睇法？”
病人的女兒紅著眼睛說：“ 我知道呀媽係好想我哋去錫佢，我會記得佢既生日的”
“ 所以阿媽也同樣很愛你哋、唔捨得你哋的”
在臨床的經驗中我們可以看到，在世的親人往往會透過生死故事的敘說，來協助自己渡過哀傷。而社工的角色，就是順著家人敘說的故事，疏引情感的表達，協助家人把故事背後隱藏的正面訊息敘說出來。