標籤：寧養四部曲

那天，天色很陰沉。接到護士姑娘的電話後，宇峰就連忙走到病房1樓。到達病房1樓後，看到一位20多歲的小女生坐在沙發上哭著，身邊有一些基督教的傳道人陪伴著她。

 

“嗚……媽咪唔係度了……媽咪唔係度了……我趕唔切見媽媽的最後一面”

 

宇峰蹲下身來，在小女生的身邊輕輕說道：

 

“女女，人的耳朵是走最後的，如果現在有些說話想跟媽媽講，她可能仍聽到的’”

 

小女生整個人頓時從坐沙發上站了起來，並衝進了媽媽的病房。

 

“女女，不如你話比媽咪聽，你最欣賞媽咪的0既係乜野？”

 

“媽咪，我知道妳聽到的，媽咪，我最欣賞妳做人唔計較，就算嫲嫲、爸爸家的家人對妳點唔好都好，妳都會忍下來，為了家庭忍下來。

 

”阿女，有乜野妳係想多謝媽咪的？“

 

“媽咪，我真係好多謝您，妳係一個好慳家的人，妳好都野都唔肯買，都係為左留返d錢買野俾我、比錢我讀書，媽咪多謝您”

 

”女女，不如同媽咪講，妳同她一起的一個最深刻的回憶？“

 

”媽咪，我最深刻、最記得0既就係，係2年前，我地一齊參加左一個親子營，我地一齊去沙灘挖蜆，還拿回家住了，我地仲係廚房笑乜有咁多沙。我地仲一齊去看日落，我地以前都無試過一齊做咁多野，我真係好開心“

 

”女女，有什麼說話想跟媽咪講，她聽到之後會安心的？“

 

”媽咪，妳之前叫我改一改個性格，我會改的，我答應妳我會改的，我好希望妳能夠看到我的改變，媽咪，我真係好愛你“

 

然後，宇峰慢慢的步出病房，好讓兩母女靜靜的相處，建構一個只屬於她們二人的靈性空間。

 

啟思：真的很多謝東區醫院紓緩科的社工Stephen，教導宇峰實務上的寧養四部曲。親友面對家人彌留、乃至離世的一刻，面對不可逆轉的死亡，我們看似什麼都無法做，但其實我們可以做的有很多，而且具備對家人哀傷療癒和減低遺憾的力量，那就是寧養四部曲。